متفرقات

سوال-  جہل مقصر کسے کہتے ہیں؟

جواب-  جہل مقصر وہ ہے جو اپنی جہالت سے بہی واقف ہو اور اس کو دور کرنے کے ممکنہ طریقے بہی جانتا ہو لیکن ان پر عمل نہ کرتا ہو۔

سوال-  جہل قاصر کون ہے؟

جواب-  جہل قاصر وہ ہے جو اپنی جہالت سے بالکل آگاہ نہ ہو یا اپنے جہل کو دور کرنے کے طریقے نہ جانتا ہو۔

سوال-  احتیاط واجب کے کیا معنی ہیں؟

جواب-  یعنی کسی عمل کو انجام دینا یا ترک کرنا احتیاط کی بنا پر واجب ہے۔

سوال-  کیا فتوو ٴں میں مذکورہ عبارت ” فیہ اشکال “ (اس میں حرج ہے)حرمت پر دلالت کرتی ہے؟

جواب-  موقع و محل کے اختلاف سے اس کے معنی بہی مختلف ہوتے ہیں اگر جواز میں اشکال ہو تو مقام عمل میں اس کا نتیجہ حرمت پر مبنی ہوگا۔

سوال-  ان عبارتوں ” فیہ اشکال “ (اس میں حرج ہے)، ”مشکل“ (مشکل ہے)” لا یخلو من اشکال “ (حرج سے خالی نہیں)” لا اشکال فیہ “ ( اس میں کوئی حرج نہیں ) سے فتویٰ مراد ہے یا احتیاط ؟

جواب-  ”لا اشکال فیہ “ کے علاوہ کہ وہ فتویٰ ہے ، باقی سب احتیاط ہیں۔

سوال-  عدم جواز اور حرام میں کیا فرق ہے؟

جواب-  مقام عمل میں دونوں میں کوئی فرق نہیں ہے۔